#Gmail နဲ့ Email ဘာကွာသလဲ ?

အခုထိ သေချာမသိတဲ့ သူတွေ ရှိသေးတာမို့..

*************************

Email ဆိုတာ Electronic Mail ရဲ့ အတိုကောက်ဖြစ်ပြီး အီလက်ထရောစနစ်ကို အသုံးပြုပြီး စာပေးပို့ခြင်း၊ စာလက်ခံခြင်းကို ဆိုလိုပါတယ်။

ကျွန်တော်တို့ ရိုးရိုးစာတစ်စောင်ကို လူတစ်ယောက်ဆီ ပေးပို့မယ်ဆိုရင်တောင်မှ အရင်ဆုံး စာကို စာအိတ်ထဲထည့်ရမယ်၊ သို့..ဘယ်သူ မှ..ဘယ်သူဆိုပြီး စာအိတ်ပေါ်မှာ ရေးရမယ်။ ပြီးရင် စာတိုက်ကို သွားရမယ်။ ကျသင့်တဲ့အခကြေးငွေပေးရတယ်။ ဒါဆိုရင်တော့ စာတိုက်ဟာ ကျွန်တော်တို့ကိုယ်စား အဲဒီစာကို ကျွန်တော်တို့ ပေးပို့စေချင်တဲ့သူဆီရောက်အောင် ပို့ဆောင်ပေးသွားမယ်ဆိုတာ ကျွန်တော်တို့အားလုံး သိပါတယ်။

ကျွန်တော်တို့ဟာ နေရပ်လိပ်စာအတည်တကျမရှိသူကို စာပေးပို့လို့မရသလို စာပေးပို့သူရဲ့လိပ်စာကလည်း တိကျမှန်ကန်မှ လိပ်စာမှားလို့ စာတိုက်က အဲဒီလူကို မရှာနိုင်ရင် အဲဒီစာဟာ နောက်ဆုံး ကျွန်တော်တို့ဆီ ပြန်ရောက်လာမှာပါ။

Email မှာလည်း ဒီသဘောအတိုင်းပါပဲ။ သင်ဟာ စာပေးပို့ဖို့ သို့မဟုတ် စာတွေကိုလက်ခံဖို့အတွက် သင့်မှာ လိပ်စာတစ်ခု မဖြစ်မနေ လိုအပ်ပါတယ်။

ပြီးတော့ စာတိုက်လိုမျိုး ကိုယ့်ရဲ့စာတွေကို ပေးပို့ပေးမယ့် ၀န်ဆောင်မှုပေးမယ့် ကုမ္ပဏီတစ်ခု လိုအပ်ပါတယ်။

စာတိုက်မှာတော့ စာတွေကို စာပို့သမားတွေအသုံးပြုပြီး ပေးပို့သလို အီးမေးလ်ဝန်ဆောင်မှုပေးတဲ့ ကုမ္ပဏီတွေဟာလည်း ကွန်ပျူတာဆာဗာတွေကိုအသုံးပြုပြီး အီးမေးလ်တွေကို ပေးပို့ပါတယ်။

သင်ဟာ စာတစ်စောင် ပေးပို့ချင်တဲ့အခါ စာတိုက်ကိုသွားရသလို သင်ဟာ အီးမေးလ်တစ်စောင် ပေးပို့ချင်တဲ့အခါ အီးမေးလ်ဝန်ဆောင်မှုကုမ္ပဏီကို အင်တာနက်ကတစ်ဆင့် ဆက်သွယ်ရပါတယ်။

သင့်ဆီကို တစ်စုံတစ်ယောက်က စာပို့လိုက်တဲ့အခါ စာပို့သမားက သင့်အိမ်ကိုလာပြီးပို့သလို သင့်ဆီကို တစ်စုံတစ်ယောက်က အီးမေးလ်ပို့လိုက်တဲ့အခါ သင်ဟာ သင့်ရဲ့အီးမေးလ်ဝန်ဆောင်မှုကုမ္ပဏီကို အွန်လိုင်းကနေ ချိတ်ဆတ်ပြီး ဖတ်ရှုနိုင်ပါတယ်။

ဒီတော့ အီးမေးလ်ဝန်ဆောင်မှုကုမ္ပဏီတွေဟာ လူတွေအီးမေးလ်တွေ ပေးပို့ဖို့၊ လက်ခံဖို့အတွက် မဖြစ်အနေ အရေးပါ လိုအပ်လာပါတယ်။

အဲဒီမှာ အခကြေးငွေပေးပြီး အသုံးပြုရတဲ့ အီးမေးလ်ဝန်ဆောင်မှုကုမ္ပဏီတွေရှိသလို အခမဲ့ရရှိတဲ့ အီးမေးလ်ဝန်ဆောင်မှုကုမ္ပဏီတွေလည်း ရှိပါတယ်။

အဲဒီထဲကမှ နာမည်ကြီးတာတွေကတော့ Microsoft ကုမ္ပဏီရဲ့ Hotmail၊ Google ကုမ္ပဏီရဲ့ Google Mail၊ Yahoo ကုမ္ပဏီရဲ့ Yahoo Mail အစရှိတာတွေ ဖြစ်ပါတယ်။

ကျွန်တော်တို့အတွက် အီးမေးလ်လိပ်စာတစ်ခုရရှိဖို့၊ နောက်ပြီး အီးမေးလ်ပို့တာတွေလုပ်ဖို့၊ အီးမေးလ်စစ်တာတွေလုပ်ဖို့ ကျွန်တော်တို့ဟာ သူတို့တွေနဲ့ ချိတ်ဆတ်အလုပ်လုပ်ရပါမယ်။

တစ်ခုကောင်းတာက ကိုယ်က ဘယ်အီးမေးလ်ကုမ္ပဏီရဲ့ ၀န်ဆောင်မှုကိုပဲ သုံးနေသုံးနေ၊ မိမိနှစ်သက်ရာသူဆီ အီးမေးလ်ပို့နိုင်ပါတယ်။ ဆိုလိုတာက Hotmail ကို သုံးစွဲနေသူဟာ Google Mail သုံးစွဲနေသူထံကို အီးမေးလ်ပို့နိုင်ပါတယ်။ သူ့အနေနဲ့ ဟိုဘက်လူရဲ့ အီးမေးလ်လိပ်စာကို သိဖို့ပဲ လိုတာပါ။

အဲဒီမှာ Google ကုမ္ပဏီဟာ သူ့ရဲ့ Google Mail ကို အတိုချုပ်လိုက်ပြီး Gmail လို့ ပြောင်းလဲသလို Yahoo Mail ကလည်း ymail ဆိုပြီး ပြောင်းလဲလိုက်ပါတယ်။ ဒီတော့ ကိုယ်ဟာ Google ကုမ္ပဏီရဲ့ အီးမေးလ်ဝန်ဆောင်မှုကို သုံးစွဲသူတစ်ယောက်ဆိုရင် ကိုယ့်ရဲ့ အီးမေးလ်လိပ်စာ yourname@gmail.com ဆိုပြီး ဖြစ်သွားမှာဖြစ်သလို Yahoo ကုမ္ပဏီရဲ့ အီးမေးလ်ဝန်ဆောင်မှုကို သုံးစွဲသူကလည်း yourname@ymail.com ဆိုပြီး ဖြစ်သွားမှာပါ။ Hotmail ဆိုရင်တော့ yourname@hotmail.com ဆိုပြီး ရရှိလာမှာပါ။

ထပ်ပြီး ဥပမာပေးရရင် မိုဘိုင်းဖုန်းသုံးသလိုပါပဲ။

ကိုယ်က တစ်စုံတစ်ယောက်ကို ဖုန်းခေါ်ဆိုဖို့ ကိုယ့်မှာ ဖုန်းနံပါတ်တစ်ခု ရှိရမှာဖြစ်သလို သူ့မှာလည်း ဖုန်းနံပါတ်တစ်ခု ရှိရမှာပါ။ ဒီတော့ ကျွန်တော်တို့ ဖုန်းခေါ်ဆိုမှုတစ်ခု ပြုလုပ်နိုင်ဖို့ လိုအပ်တဲ့ ဖုန်းနံပါတ်တွေကို ထုတ်ပေးတာက တယ်လီကွန်းကုမ္ပဏီတွေပါ။ ကိုယ်က တယ်လီနောဆင်းကတ်ဝယ်သုံးရင် ရလာမယ့် နံပါတ်က တယ်လီနောရဲ့နံပါတ်ဖြစ်ပါတယ်။ အော်ရီဒူးဆင်းကတ်ဝယ်သုံးရင် ရလာမယ့်နံပါတ်က အော်ရီဒူးနံပါတ်ပဲ ဖြစ်ပါတယ်။ တယ်လီနောနံပါတ်ပဲ ဖြစ်ဖြစ်၊ အော်ရီဒူးနံပါတ်ပဲဖြစ်ဖြစ် နှစ်ခုစလုံးဟာ ဖုန်းနံပါတ်တွေချည်းပါပဲ။ (အိမ်နံပါတ်တွေ၊ လမ်းနံပါတ်တွေမဟုတ်ပါဘူး) အီးမေးလ်ဟာလည်း အဲဒီလိုပါပဲ။ ကိုယ်နှစ်သက်ရာကုမ္ပဏီရဲ့ဝန်ဆောင်မှုကို သုံးစွဲ၊ ရလာမယ့် အီးမေးလ်လိပ်စာဟာ @gmail.com @yahoo.com @abc.com ဘာတွေပဲဖြစ်ဖြစ် အားလုံးဟာ အီးမေးလ်လိပ်စာတွေချည်းပါပဲ။

အနှစ်ချုပ်အားဖြင့် Gmail, Ymail, Hotmail အစရှိတာတွေအားလုံးဟာ အီးမေးလ်ဝန်ဆောင်မှုတွေရဲ့ အမည်သက်သက်သာ ဖြစ်တဲ့အကြောင်း မသိရှိသေးသူအတွေက် ရေးသားလိုက်ပါတယ်။

နောက်ဆိုရင် Email လိပ်စာရှိလားလို့ မေးတဲ့အခါ Email တော့မရှိဘူး Gmail လိပ်စာပဲရှိတယ်ဆိုပြီး ဖြေဆိုတာမျိုးကနေ၊ Email နဲ့ Gmail မတူဘူးဆိုပြီး နားမလည်ဘဲ ဆရာကြီးလုပ်နေသူတွေရဲ့ လေကြောတွေကနေ ကင်းဝေးနိုင်ကြပါစေ။

https://www.facebook.com/groups/uhtetaung7/permalink/731680590357732/

By : ကိုဇော်သူရိန်ထွန်း (Founder, CEO at ICampus Myanmar Computer Professionals Association and Monywa Youth Network)

Feature You Page မှ ပြန်လည်ကူးယူဖော်ပြပါသည်။